Sabi nila, kaya daw sinasabi yan eh dahil yun na daw ang nakagawian. Ang "wag manisi" at ang "makisama". Ba't ba litong-lito tayo sa meaning ng "pakisama"? Kunwari may nasira ng bisita ang headset ng PC mo dahil kasalanan naman niya. Halimbawang harutan ng harutan sa tapat ng PC, nabanat si headset, nasira. O nagp-PC, nakakandong si anak tapos hinatak ng hinatak ang headset, ayon nasira.
"Naku, sorry!!"
"Okay lang! Okay lang! Wala yon!! Sige na, ako na mag-aayos niyan!!"
Tingnan mo nga naman. Sila na nakasira, sila pa kailangang pakisamahan at ngayon kailangan pa'ng ikaw ang mag-ayos. Bad manners daw kasi yung sasabihin mo na, "Ay p0ta, ano nang gagamitin ko mamaya eh may panonoorin pa naman ako!?"
Hindi ko naman sinasabing magalit dapat sa lahat ng pagkakataon. Hindi naman mababalik ang lahat kung maghurumentado ka. At hindi din lahat ng bagay na nasira ay napapalitan lalo na yung mga may sentimental value. Hindi mo lang kailangang sabihing "okay lang" tapos pag nagkwento ka sa iba, galit na galit ka.
"Walangyang yon, sinira yung gamit ko. Bwiset. Ngayon kailangan ko pang bumili ng bago eh bigay sa kin ng crush ko yon!"
"Ba't di mo pinapalitan?"
"Eh baka sabihin nila headset lang nagkaganon na ko."
Palagay ko, kung hindi okay, sabihin mo na lang na, "Naku... Wala ako'ng gagamitin. Pero wala na tayong magagawa. Sira na eh." Kasi yun naman talaga ang totoo eh. Hindi naman talaga okay.
